तेलहन बाली तिल(sesame) खेती प्रविधि :
तराई ,भित्री मधेस, मध्यपहाडी बेशी र टारहरुमा तिलको व्यावसायिक खेती गर्न सकिन्छ। तिलको खेती तेलका लागि गरिए पनि यसको दाना अचार, मिठाई, लड्डुका लागि र पिना विरुवामा मलको रुपमा प्रयोग हुन्छन्।
यसले न्यानो हावापानी मन पराउने हुँदा १२५० मिटरको उचाईसम्म राम्रो उत्पादन लिन सकिन्छ।
तिलको बृद्धि विकासको लागि २५-२७ डिग्री से. तापक्रमको आवश्यक पर्दछ।
लामो खडेरी,लगातार वर्षा र पानी जम्ने अवस्थामा बाली फस्टाउदैन।
प्राय सबैखाले माटोमा तिलको खेती गर्न सकिन्छ।
पिएच ५.५-८ भएको माटो उपयुक्त हुन्छ।
नेपालमा प्रचलित जातहरु:नवलपुर खैरो, सि एच २(कालो) ,एसेसन नम्बर ६८५८(सेतो)
कतै बसन्ते बालीको रूपमा माघ फाल्गुन तिर लगाइन्छ भने कतै बैशाख अन्त्यतिरबाट असार सम्म लगाइन्छ।
बिउ लगाउदा ३० सेमीको फरकमा २-३अंगुल गहिरो रोप्नुपर्छ।
एक हेक्टरको लागि ५-७ केजी बीउको आवश्यकता पर्दछ।
एक हेक्टरमा १०००-१२०० केजी उत्पादन लिन सकिन्छ।
Comments
Post a Comment